Mediat e Koresë Jugore kanë raportuar se Veriu ka përfunduar zhvillimin e një sateliti të ri zbulues, i pari që do t’i mundësojë Koresë Veriore të transmetojë të dhëna në Tokë.

Gazeta “JoongAng Ilbo” raportoi nga burimet anonime të qeverisë së Koresë Jugore, se qeveria është në dijeni të lansimit të satelitit të ri, transmeton portali arbresh.info

“Sateliti është quajtur Kwangmyongsong-5, fjala koreane për “Lode Star”, një referencë ndaj yllit që me sa duket shkëlqeu në qiell në ditën e lindjes së udhëheqësit të vdekur të Koresë së Veriut, Kim Jong-il. Siç sugjeron emri, është e pesta në një sërë satelitësh vëzhgimi që pretendimet e Koresë së Veriut kanë për qëllim parashikimin e motit”, tha burimi anonim.

Por, ashtu si edhe me Kwangmyongsongs të mëparshëm, ka rritur frikën se nisja e satelitit të pestë do të jetë vetëm një maskim për testimin e një rakete të re balistike me rreze të gjata.

Koreja Veriore është duke u përballur me sanksione intensive ekonomike dhe diplomatike, të cilat i janë vendosur si paralajmërim për ndalimin e zhvillimit të raketave bërthamore./arbresh.info/